काठमाडौं- तेलगु नायक अल्लु अर्जुनको केन्द्रीय भूमिका रहेको फिल्म ‘पुष्पा–२’ले व्यापारले १५ सयको आँकडा पार गरेको छ ।
प्रदर्शनको १९ दिनमा यस फिल्मले विश्वव्यापीरुपमा भारतीय रुपैयाँ १५२६ करोडको व्यापार गरेको हो ।
उक्त अवधिमा तेलगु भाषामा मात्रै यस फिल्मले ३०७ करोड भारुको व्यापार गरेको छ । यस अवधिमा हिन्दी भाषाबाटै मात्र यस फिल्मले भारु ६९० करोडको ग्रस कलेक्सन गरेको ।
१९ औँ दिनमा आइपुग्दा पनि यस फिल्मले हिन्दी भाषामा १० करोड माथिको व्यापार गरेको छ ।
अबको केही दिनमै यो फिल्म हिन्दी भाषामा कलेक्सनका ७०० करोड क्लबमा प्रवेश गर्ने पक्का भएको छ ।
भारतीय मिडिया अमर उजालाका अनुसार ७०० करोडमा प्रवेश भएको अवस्थामा यो फिल्मले कीर्तिमान राख्नेछ । भारतीय फिल्मको इतिहासमा अहिलेसम्म कुनै हिन्दी भाषामा मात्रै यो आँकडा पार गर्न सकेका छैनन् ।
यसअघि हिन्दी भाषामा सबैभन्दा बढी कमाइ गर्ने फिल्म शाहरुख खान अभिनित ‘जवान’ हो । यसले हिन्दी भाषामा ५८२ करोड भारु ग्रस कलेक्सन गरेको थियो ।
