काठमाडौँ - पाकिस्तानमा हुने च्याम्पियन्स ट्रफी २०२५ को खेल तालिका सार्वजनिक भएको छ । अन्तर्राष्ट्रिय क्रिकेट परिषद् (आइसिसी)ले सार्वजनिक गरेको खेल तालिकाअनुसार पहिलो खेल फेब्रुअरी १९ मा पाकिस्तान र न्युजिल्यान्डबिच हुनेछ ।
भारतका खेल भने दुबईमा हुनेछ । ट्रफीको सेमिफाइनल मार्च ४ र ५ मा हुनेछ । मार्च ९ मा हुने फाइनल खेल पाकिस्तान र दुबई मध्ये एक ठाउँमा हुनेछ । भारत फाइनलमा पुगे फाइनल खेल दुबई र नपुगे पाकिस्तानमा हुनेछ ।
समूह एमा आयोजक पाकिस्तानसँगै भारत, बाङ्लादेश र न्युजिल्यान्ड र समूह बीमा अफगानिस्तान, अस्ट्रेलिया, इंग्ल्यान्ड र दक्षिण अफ्रिका छन् ।
प्रकाशित मिति: मंगलबार, पुस ९, २०८१ २०:०५
प्रतिक्रिया दिनुहोस्
