काठमाडौं– शुक्रराज ट्रपिकल तथा सरुवा रोग अस्पताल टेकूमा उपचाररत मङ्कीपक्स सङ्क्रमणका एक युवकको स्वास्थ्य अवस्था सुधारोन्मुख रहेको जनाइएको छ ।
अस्पतालका निर्देशक डा. युवानिधि बसौलाले अस्पतालमा उपचाररत तनहुँका ३६ वर्षीय युवकको स्वास्थ्य सुधारोन्मुख रहेको जानकारी दिए ।
उनले निजको अवस्था सामान्य रहेको उल्लेख गर्दै मङ्कीपक्स सङ्क्रमण भएकालाई कम्तीमा तीन साता एक्लै राखेर उपचार गर्नुपर्ने भएकाले सोही अनुरुप गरिएको बताए ।
साउदी अरवबाट आएका ती युवकमा यही पुस ५ गते मङ्कीपक्स सङ्क्रमण रहेको पुष्टि भएको थियो । सोही दिनदेखि निजको उपचार जारी छ ।
प्रकाशित मिति: बिहीबार, पुस ११, २०८१ १०:३८
प्रतिक्रिया दिनुहोस्
