काठमाडौँ- सशस्त्र प्रहरीले चकलेट बोकेको म्याजिक भ्यान नियन्त्रणमा लिएको छ ।
पर्साको वीरगंज महानगरपालिका-१४ पावरहाउस चोकबाट पौष १० गते सशस्त्र प्रहरीले विभिन्न किसिमका चकलेट बोकेको म्याजिक भ्यान नियन्त्रणमा लिएको हो ।
भारतबाट अवैध रूपले ना १ ज ७८४५ नम्बरको म्याजिक भ्यानमा राखी नेपालतर्फ ल्याउँदै गरेको चकलेट प्रस्तावित सीमा सुरक्षा गुल्म वीरगंजबाट सशस्त्र प्रहरी नायव उपरीक्षक लोकेन्द्र सुब्बाको कमाण्डमा खटिएको सुरक्षा फौजले नियन्त्रणमा लिइएको सशस्त्र प्रहरीले जनाएको छ ।
बरामद चकलेट तथा भ्यान आवश्यक कारवाहीको लागि सम्बन्धित निकायमा बुझाइएको छ । बरामद चकलेट तथा भ्यानको भन्सार दाखिला मूल्य १० लाख रुपैयाँ रहेको छ । गाडी चालक भने फरार रहेका छन् ।
प्रकाशित मिति: बिहीबार, पुस ११, २०८१ १६:२९
प्रतिक्रिया दिनुहोस्
