काठमाडौं - संसार भरी नयाँ वर्ष २०२५ को भव्य स्वागत गरिएको छ। सिरियाली नागरिकले आसाद सरकार ढलेपछिको पहिलो पटक नयाँ वर्ष हर्षोल्लासका साथ मनाइरहेका छन्।

बेलायत तथा अन्य धेरै युरोपेली देशमा वर्षको पहिलो दिनको पहिलो बिहानीमा नै मौसम खराब छ। त्यसका बाबजुद हर्षोल्लासका साथ नयाँ वर्ष मनाइएका छन्।

संसारमा विकसित देशका मुख्य सहरहरू अहिले रङ्गाएका छन्। संयुक्त अरब इमिरेट्सको दुबई र अबुधाबी, बेलायत, रोम र बर्लिन पुरै रङ्गिएका छन्।

नयाँ वर्षको स्वागतका लागि बिबिसीले गायिका सोफिया एलेक्सि बेस्टरको स्वरमा कार्यक्रम आयोजना गरेको छ। म्याड्रिड ,रोम र पेरिस र आमस्ड्रममा ठुला घडी सजाइएर नयाँ वर्षलाई स्वागत गरिएका छन्।

विगतको भन्दा एकदमै फरक शैलीले नयाँ वर्षको स्वागत भने सिरियालीले गरे। राजधानी दमासकसको चोकका हजारौँ जना उपस्थित हुँदै खुसीयालीका साथ नयाँ वर्ष २०२५ को स्वागत गरेका हुन्।