काठमाडौ - विभिन्न नाममा अनलाइन ठगी बढेको भन्दै प्रहरीको केन्द्रीय अनुसन्धान ब्युरो (सिआइबी)ले सचेत रहन आग्रह गरेको छ। शुक्रबार सर्वसाधारणका लागि सूचना जारी गर्दै सिआइबीले ठगिनबाट जोगिन आग्रह गरेको छ ।
सामाजिक सञ्जालको दुरुपयोग गरी देशैभर ठगीका घटना बढेको सिआइबीले जनाएको छ। ब्युरोले हाल विभिन्न ठगीका घटनाको अनुसन्धान गरिरहेको छ। ठगीका घटना बढेकाले अपरिचित व्यक्तिको फोनको रिप्लाई नगर्न र सतर्कता अपनाउन आग्रह गरिएको सिआइबीका एसपी होबिन्द्र बोगटीले बताए।
प्रकाशित मिति: शुक्रबार, पुस १९, २०८१ १९:३३
प्रतिक्रिया दिनुहोस्
