काठमाडौँ- चन्द्रागिरि नगरपालिका-२ नागढुंगाबाट अवैध लागू औषध खैरो हेरोइन जस्तो देखिने पदार्थसहित २ जनालाई प्रहरीले पक्राउ गरेको छ ।
पक्राउ पर्नेहरूमा कपिलवस्तु बाणगंगा नगरपालिका-३ बस्ने ३३ वर्षीय वसन्त बस्याल र सप्तरी तिलाठी कोईलाडी गाउँपालिका-२ बस्ने ३४ वर्षीय लाल कुमार मण्डल रहेका छन् ।
प्रहरी प्रभाग नागढुंगा र लागू औषध नियन्त्रण ब्युरो शाखा कार्यालय नागढुंगाबाट खटिएको प्रहरीले काँकडभिट्टादेखी काठमाडौँतर्फ आउँदै गरेका बा.प्र ०१-००१ ख २८५६ नम्बरको बसमा सवार वसन्तलाई करिब २१ ग्राम र बा.प्र.०१-०६ ख ५६५२ नम्बरको बसमा सवारलाल कुमारलाई करिब १५ ग्राम खैरो हेरोइन जस्तो देखिने पदार्थसहित शुक्रबार बिहान पक्राउ गरेको हो ।
उनीहरूलाई प्रहरीले आवश्यक अनुसन्धान गरिरहेको छ ।
प्रकाशित मिति: शुक्रबार, पुस १९, २०८१ २०:३५
प्रतिक्रिया दिनुहोस्
