काठमाडौ - चलचित्र बिकास बोर्डले पर्यटकीय राजधानी पोखरामा फागुन १७ देखि १९ गतेसम्म चलचित्र पर्यटन महोत्सव आयोजना गर्ने भएको छ ।
महोत्सवले चलचित्र छायांकनका लागि प्राकृतिक स्टुडियोका रूपमा परिचित पोखरा र गण्डकी प्रदेशलाई व्यापक रूपमा प्रवद्र्धन गर्ने पोखरा महानगर प्रमुख धनराज आचार्यले बताए ।
‘हामी सम्पूर्ण कलाकार तथा स्रष्टालाई पोखरामा स्वागत गर्न तयार छौं’ उनले भने । महोत्सवसँग सम्बन्धित विविध बिषयमा बोर्ड अध्यक्ष दिनेश डीसीसँग छलफल भएको जनाइएको छ ।
बोर्डले आयोजना गर्ने महोत्सवमा पोखरा महानगरपालिका, नेपाल पर्यटन बोर्ड, नेपाल टेलिकम लगायतका संस्थाहरू प्रवद्र्धकको रूपमा रहनेछन् ।
चलचित्र पत्रकार संघ, पोखरा पर्यटन परिषद् लगायतका स्थानीय संघसंस्थाले सह-आयोजकको भूमिकामा सहकार्य गर्ने जनाइएको छ ।
प्रकाशित मिति: आइतबार, पुस २१, २०८१ २०:५९
प्रतिक्रिया दिनुहोस्
