नयाँ दिल्ली - दक्षिण भारतीय सुपरस्टार अल्लु अर्जुनको ‘पुष्पा २ःद रुल’ले रेकर्डतोड कमाई गरिरहेको छ । फिल्म प्रदर्शनमा आएको ३२ दिन भइसकेको छ । तर फिल्म हेर्न हलमा जाने दर्शक कम भएका छैनन् ।
३२ औँ दिनमा फिल्मले भारतमा सबै भाषामा ७ करोड भारुको कारोबार गरेको छ । योसँगै फिल्म १२०० करोड भारु कमाउने पहिलो फिल्म बनेको छ ।
आइतबार ३२ औँ दिनको कलेक्सपछि भारतमा फिल्मको नेट कलेक्सन १२०६ करोड भारु पुगेको छ । नेट बक्स अफिस कलेक्सन यो स्तरमा पुर्याउन सफल यो पहिलो भारतीय फिल्म हो ।
फिल्मले सबैभन्दा धेरै हिन्दी बेल्टमा कमाइ गरेको छ । यस क्षेत्रमा फिल्म प्रतिको क्रेज कम भएको छैन । हिन्दीमा फिल्मको कमाई अहिलेसम्म ७९१ करोड २० लाख भारु पुगेको छ । फिल्मले छिट्टै नै ८०० करोड क्लबको सुरुआत गर्दैछ । यो आफैँ फिल्मका लागि अर्को ठुलो रेकर्ड हुनेछ । एजेन्सी
प्रकाशित मिति: सोमबार, पुस २२, २०८१ १०:४७
प्रतिक्रिया दिनुहोस्
