काठमाडौँ - काठमाडौँको त्रिभुवन विमानस्थलबाट झापाको भद्रपुरका लागि उडेको बुद्ध एयरको विमानमा प्राविधिक समस्या देखिएको छ । विमानको दायाँ इन्जिनमा समस्या देखिएपछि काठमाडौं डाइभर्ट गरेर अवतरण गरिएको छ ।
बुद्ध एयरको उडान नं ९५३ को कलसाइन नाइनएन-एजेएस विमानको दायाँ इन्जिनमा समस्या देखिएको थियो । विमान डाइभर्छि भएपछि अवतरणका क्रममा त्रिभुवन विमानस्थलमा इमर्जेन्सी घोषणा गरिएको थियो । बिहान ११:१५ मा विमान सुरक्षित अवतरण भएको हो ।
अहिले प्राविधिक टोलीले विमानको जाँच गरिरहेको बुद्ध एयरले जनाएको छ । यात्रुलाई अर्को विमानबाट भद्रपुर पठाउने तयारी गरिएको छ ।
प्रकाशित मिति: सोमबार, पुस २२, २०८१ १२:४४
प्रतिक्रिया दिनुहोस्
