काठमाडौँ- लोकतान्त्रिक समाजवादी पार्टी नेपालले मधेशी दलबीच सहकार्य र एकता गर्न वार्ता समिति गठन गरेको छ ।
राजनीतिक अधिकार प्राप्तिको लागि संघर्षशील राजनीतिक शक्तिहरूबीच संवाद, सहकार्य र कार्यगत एकता आजको आवश्यकता भन्दै लोसपाले जितेन्द्र प्रसाद सोनारको नेतृत्वमा वार्ता समिति बनाएको हो ।
वार्ता समितिमा जितेन्द्रसँगै उमाकान्त झा, रामप्रकाश चौधरी, सुरेन्द्र कुमार झा र मनिष कुमार मिश्र रहेका छन् ।
लोसपा अध्यक्ष महन्थ ठाकुरद्वारा जारी विज्ञप्तिमा भनिएको छ, ‘मधेश केन्द्रित पार्टीहरू बीच संवाद , सहकार्य, कार्यगत एकता एवं राजनीतिक मुद्दा र सिद्धान्त मिल्ने गरी पार्टी एकीकरण गर्ने सम्मको सम्भावनाको खोजी तथा परिणाम मुखी बनाउनको लागि तपशील बमोजिमको समिति लोसपाले गठन गरेको व्यहोरा जानकारी गराउँदछु।’
प्रकाशित मिति: सोमबार, पुस २२, २०८१ १३:५२
प्रतिक्रिया दिनुहोस्
