काठमाडौं- गृह मन्त्रालयले सात वटा जिल्लाका प्रमुख जिल्ला अधिकारी (सीडीओ) हेरफेर गरेको छ ।

सोमबारको निर्णय अनुसार १२ जना सहसचिव तथा उपसचिवको सरुवा गरिएको हो । जसमा काठमाडौंसहित सात जिल्लाका सीडीओ समेत फेरिएका छन् ।

काठमाडौंको सीडिओमा गृह मन्त्रालयका ऋषिराम तिवारीलाई खटाइएको छ । त्यस्तै धर्मेन्द्र मिश्रलाई सुनसरी र गोगनबहादुर हमाललाई कैलालीको जिम्मेवारी दिइएको छ । यस्तै तुलसीबहादुर श्रेष्ठ सर्लाही, इन्द्रदेव यादब मोरङ, गोपाल कुमार अधिकारी झापा र सावित्रा पुनलाई सल्यानमा सीडीओ बनाइएको गृह मन्त्रालयले जनाएको छ ।

हेर्नुस् को कहाँ ?