झापा- लागू औषध र गैँडाको खाग जस्तो देखिने वस्तुसहित एक जनालाई प्रहरीले पक्राउ गरेको छ । पक्राउ पर्नेमा भारत वेष्ट बंगाल उत्तर मेन्दाबारी बस्ने नारायण रामधाम रहेका छन् ।
उनलाई जिल्ला प्रहरी कार्यालय झापा र इलाका प्रहरी कार्यालय काँकरभिट्टाबाट खटिएको प्रहरीले मेचीनगर नगरपालिका-६ काँकरभिट्टास्थित हिमालय गेस्ट हाउसबाट बुधबार दिउँसो पक्राउ गरेको हो ।
प्रहरीले गेस्ट हाउसबाट तलासी गर्दा उनको साथमा १ किलो ७ सय ग्राम तौलको गैँडाको खाग जस्तो देखिने वस्तु १ थान, अवैध लागू औषध खैरो हेरोइन जस्तो देखिने पदार्थ २ ग्राम ८ सय मिलिग्राम, नियन्त्रित लागू औषध १ सय ४४ ट्याब्लेट, डिजिटल तराजु १ थान र मोबाइल २ थान बरामद गरेका थिए ।
रामधामलाई हाल पक्राउ गरी आवश्यक कारबाही तथा अनुसन्धान गरिरहेको प्रहरीले जनाएको छ ।
प्रकाशित मिति: बिहीबार, पुस २५, २०८१ १३:५७
प्रतिक्रिया दिनुहोस्
