अस्ट्रेलिया – कुहिनमा लागेको चोटका कारण अस्ट्रेलियाका क्रिकेट कप्तान प्याट कुमिन्सले अर्को महिना युएई र पाकिस्तानमा आयोजना हुने च्याम्पियन्स ट्रफी गुमाउन सक्ने सम्भावना देखिएको छ।
उनले श्रीलङ्कासँग हुने दुई टेस्टको शृङ्खला भने गुमाउने पक्का भइसकेको छ। भारत विरुद्धको शृङ्खलाका ५ टेस्टमा उनले १५७ ओभर बलिङ गरे। सो क्रममा उनले २५ विकेट लिए।
च्याम्पियन्स ट्रफीमा २२ फेब्रुअरीमा पहिलो खेल खेल्ने छ। श्रीलङ्कासँगको टेस्ट सकिएपछि च्याम्पियन्स ट्रफी अघि अस्ट्रेलियाले श्रीलङ्कासँग एउटा एक दिवसीय खेल खेल्ने छ।
भारतमा सन् २०२३मा सम्पन्न विश्वकप क्रिकेटको उपाधि दिलाएका कप्तान कुमिन्सले त्यसपछि दुई एक दिवसीय खेल मात्र खेलेका छन्। धेरै भार परेको भन्दै उनले खेलहरू छाडेका हुन्। यस क्रममा अस्ट्रेलियाले कप्तानको रूपमा धेरैलाई प्रयोग गरेको थियो।
उनको अनुपस्थितिमा स्टेभन स्मिथ, मिचेल मार्स र जोस इङ्लिसले टोलीको नेतृत्व गरी सकेका छन्।
छनोटकर्ताले काँधको चोट बोकेका जोस हजेलउड भने च्याम्पियन्स ट्रफीमा फिर्ता हुने सम्भावना व्यक्त गरेका छन्।
श्रीलङ्काको भ्रमणमा मिचेल स्टार्क, स्कट बोल्यान्ड र सियन एबट सहितको टोली जानेछ। यी मध्य एबटले त्यहीँबाट टेस्ट डेब्यु गर्ने सम्भावना छ।
