काठमाडौं - नेपाल राष्ट्रिय महिला क्रिकेट टिमले नेदरल्यान्ड्स र थाइल्यान्डसम्मिलित त्रिदेशीय सिरिज खेल्ने भएको छ । नेपाल क्रिकेट संघ नेपाल (क्यान)ले सुचना जारी गर्दै प्रतियोगिता माघ १७ देखि २५ सम्म हुने जनाएको छ ।
फाइनलसहित दशैं खेल कीर्तिपुर स्थित त्रिभुवन विश्वविद्यालय क्रिकेट मैदामामा हुनेछ । पहिलो खेल नेपाल र नेदरल्यान्ड्सबीच हुनेछ । तालिकाको शीर्ष दुई टिमले उपाधिको लागि प्रतिस्पर्धा गर्नेछन् ।
क्यानले यो सिरिजबाट खेलाडीले अनुभव हासिस गर्ने आशा गरेको छ । ‘यस ऐतिहासिक सिरिजले हाम्रा महिला क्रिकेट खेलाडीहरूलाई थप प्रेरणा तथा उत्साह थप्नुका साथै नेपाली राष्ट्रिय महिला क्रिकेट टोलीलाई थाइल्यान्ड र नेदरल्याण्ड्सका दुई टोलीसँग प्रतिष्पर्धा गर्दै थप अनुभव हासिल गर्ने अवसर समेत प्राप्त गर्ने विश्वास लिएका छौं ।’
प्रकाशित मिति: शनिबार, पुस २७, २०८१ १९:३६
प्रतिक्रिया दिनुहोस्
