काठमाडौं- संघीय सचिवालय निर्माण तथा व्यवस्थापन कार्यालयले कीर्तिपुर क्रिकेट रंगशालामा फ्लड लाइट जडानको टेण्डर प्रक्रियालाई सच्याउने निर्णय गरेको छ ।

क्यानडा नेपाल डटकममा कीर्तिपुर क्रिकेट रंगशालामा फ्लड लाइट जडानको टेण्डरमा बदनियतको शंका शिर्षकमा समाचार प्रकाशन भएपछि मन्त्रालयले रंगशालामा फ्लड लाइट जडानको टेण्डर प्रक्रियालाई सच्याउने निर्णय गरेको हो । 

क्यानडा नेपालको समाचार सामाग्री पश्चात सचिवालयले आफनो टेन्डर सच्याउने निर्णय गरेको हो । तर यो निर्णय झुक्याउने नियत मात्र भएको बताइएको छ । फ्लड लाइट जडान जहाँसुकै बने पनि युके सरकारले मान्यता नदिएसम्म अरु देशका सरकारले दिएको नहुने भनिएको छ ।

उदाहरणका लागि यो सामान नेपालमै बनेको भए पनि युके सरकाले नै वैधता दिनुपर्छ भनिएको छ । यसमा जुन देशमा बन्छ त्यहि देशको सरकारले प्रमाणित गरेकोलाई नै मान्यता दिनुपर्ने माग छ तर सचिवालयको यो निर्णयलाई लिएर धेरैले प्रश्न उठाएका छन्।  यो निर्णय झुक्याउने नियत मात्र हो र यसले थप भ्रष्टाचारलाई प्रोत्साहन दिने बताइएको छ ।

यसअघि, टेन्डरका लागि कतिपय अनावश्यक र अव्यावहारिक मापदण्ड राखिएको पाइएको थियो। उदाहरणका लागि, नेपालमा सबैभन्दा चिसो तापक्रम माइनस ३ डिग्री पुगेको समयमा पनि टेन्डरमा माइनस ४० डिग्रीको काम गर्न सक्ने मापदण्ड राखिएको छ। विज्ञहरूले यसलाई नक्कली मापदण्ड भन्दै, विशेष समूहलाई फाइदा पुर्‍याउने उद्देश्यले बनाइएको ठहर गरेका छन् ।

यो पनि पढ्नुहोस् 

कीर्तिपुर क्रिकेट रंगशालामा फ्लड लाइट जडानको टेण्डरमा बदनियतको शंका: प्रम ओलीको सपनामा तुषारापात 

एक विश्लेषकले भने, नेपालमै भएका कामहरूलाई पनि विदेशी मान्यताको आवश्यकता पर्ने नियमले हाम्रो प्रणालीलाई कमजोर बनाएको छ। यस्ता नियमले भ्रष्टाचारलाई मलजल गरिरहेको छ।

काठमाडौंमा यो वर्षको सबैभन्दा चिसो ५ डिग्री पुगेको छ ।  तर, टेन्डरमा माइनस ४० डिग्री तापक्रमलाई आधार मानेर कामको विवरण तयार पारिएको छ। यो निर्णयले सरकारको वास्तविक उद्देश्यप्रति गम्भीर शंका उत्पन्न गराएको छ।

यस विषयमा धेरैले टेन्डर प्रक्रियामा भ्रष्टाचार र चलखेल भएको दाबी गरेका छन्। कम्तीमा पनि २० करोड रुपैयाँको घुसको लेनदेन भएको हुनसक्छ भन्ने आरोप लगाएका छन्।