अमेरिका - लस एन्जलसमा आगो अझै दन्किरहेको छ। सबैभन्दा ठुलो पालिसेडको आगो १४ प्रतिशत नियन्त्रणमा छ। यस क्षेत्रमा आधी समेत आउने प्रक्षेपण भए पछि यसको तयारी गरिएको लस एन्जलसका मेयर कारेन बासले बताएका छन्।
अमेरिकी राष्ट्रपति जो बाइडेनले मृत्यु भएका २४ जनाको सम्झना गर्दै सिङ्गो अमेरिका भाव विह्वल भएको बताए। इटन र पालिसेडमा गरेर २३ जना अझै हराइरहेका छन्।
यसै समयमा लुटपाटमा संलग्न भएका ९ जनालाई गिरफ्तार गरिएको छ। आगजनी गरिएको आरोपमा अर्का एक जनालाई पनि गिरफ्तार गरिएको छ। उनीहरूलाई २५ वर्षको जेल सजायदेखि आजीवन कारावाससम्मको सजाय हुनसक्ने छ।
यसैगरी मूल्य वृद्धि गर्ने, अनधिकारिक क्षेत्रमा ड्रोन उडाउँदै अग्नि नियन्त्रकलाई अप्ठेरो पार्ने तथा इन्टरनेट स्क्याम गर्नेलाई पनि कानुनको दायरामा ल्याइने जनाइएको छ।
आगलागीको कारणबारे सङ्घीय सरकारले छानबिन सुरु गर्ने भएको छ। लिफोर्नियाका अभियोजक माटिन इस्ट्रेडाका अनुसार दक्षिण क्यालिफोर्नियामा सुरुवाती अवस्थामा आगो लागेको अवस्थाबाट छानबिन गर्दै छन्।
यस अप्ठेरो समयमा कोही यसको लाभ उठाउँदै लुटपाट मच्चाइ रहेका छन् भने कोही नभे यस्तो समयमा मानवीय सहयोगमा व्यस्त छन्। २४ वर्षीय रेस्टुरेन्ट व्यवसायी फायाद कार्यामीले बुधबार यता ७८९ जनालाई खाना खुवाएका छन्। लन्डनबाट लस एन्जलस पुगेका उनले सेफ समेत रहेका आफ्ना भाइसँग मिलेर खाना बनाइरहेका छन्। उनीहरूले दैनिक पाँच सय जनालाई खाना खुवाइरहेका छन्।
अहिले आगो निभाउनका लागि पोसचेक नामक गुलाबी धुलो छर्किएको छ। लामो समय देखि यसको उपयोग आगो निभाउनका लागि भएको छ। यसका ८० प्रतिशत पानी, ६ प्रतिशत मल मिसिएको नुन तथा ६ प्रतिशत अन्य रङ्गिन पदार्थ छ।
युनिभर्सल म्युजिकले ग्रामीसँग सम्बन्धित सम्पूर्ण कार्यक्रम भङ्ग गरेको छ। यसरी भङ्ग गरिएका २ फेब्रुअरीमा हुने ग्रामी अवार्ड कार्यक्रम हो।
