काठमाडौँ - जारी जय ट्रफी एलिट कप बहुदिवासिय प्रतियोगिताको फाइनलमा आजदेखि नेपाल पुलिस क्लब र त्रिभुवन आर्मी क्लब भिड्दै छन् ।
बीरगंजमा हुने यो खेल नेपाली समय अनुसार बिहान साँढे ९ बजेदेखि शुरु हुने छ । यस अघि लिग चरणका खेल दुई दिन खेलिएको थियो भने फाइनल खेल तीन दिवसीय हुने क्यानले जनाएको छ ।
लिग चरणमा नेपाल पुलिस क्लब ६६ अंकसहित शिर्ष स्थानमा र त्रिभुवन आर्मी क्लब ५५ अंकसहित दोस्रो स्थानमा रहेर फाइनलमा पुगेका थिए ।
त्यसैगरी बागमती प्रदेश र मधेश प्रदेश भने तेस्रो र चौथो हुदै फाइनलमा पुग्न असफल भएका थिए ।
प्रकाशित मिति: मंगलबार, माघ १, २०८१ ०८:३६
प्रतिक्रिया दिनुहोस्
