काठमाडौँ- भारतमा जारी खो-खो विश्वकपमा नेपालको महिला टोलीले लगातार दोस्रो जित हासिल गरेको छ । समूह सी अन्तर्गत मंगलबार अपराह्न भएको खेलमा नेपालले जर्मनीलाई ७३-३४ ले पराजित गरेको हो ।
यसअघि मंगलबारै भएको पहिलो खेलमा नेपालले भुटानलाई ९३-२४ ले पराजित गरेको थियो ।
समूह सी मा नेपाल, भुटान, जर्मनीसँगै बांङ्लादेश र श्रीलंका छन् । नेपालले बुधबार श्रीलंकासँग तथा बिहीबार बांङ्लादेशसँग खेल्ने छ । हरेक समूहबाट शीर्ष दुई टोली क्वाटरफाइनलमा प्रवेश गर्ने छन् ।
पुरुषतर्फ भने समूह ए मा रहेको नेपाल पहिलो खेलमा भारतसँग ४२(३७ ले पराजित भएको थियो । पुरुष टोलीले आज पेरुसँग खेल्दै छ ।
प्रकाशित मिति: मंगलबार, माघ १, २०८१ १८:०७
प्रतिक्रिया दिनुहोस्
