काठमाडौँ - प्रतिकूल मौसमका कारण बिहीबार काठमाडौँबाट विराटनगरतर्फका सबै उडान रद्द भएका छन् ।
त्रिभुवन विमानस्थल कार्यालयका अनुसार विराटनगरका लागि दैनिक डेढ दर्जन हाराहारी उडान हुने गरेको छ । तर, बिहीबार बाक्लो हुस्सु लाग्दा सबै निर्धारित उडान रद्द भएका हुन् ।
त्रिभुवन विमानस्थल कार्यालय तथा वायुसेवा कम्पनीहरूका अनुसार आज दिनभरि मौसम खुल्न नसक्दा विराटनगर विमानस्थलको उडान प्रभावित भएको हो ।
काठमाडौँमा भने निर्बाध जहाज चलेका छन् । तराई भेगका विमानस्थलमा हिउँदयाममा नियमितजसो उडान प्रभावित हुने गरेको छ ।
प्रकाशित मिति: बिहीबार, माघ ३, २०८१ २२:०४
प्रतिक्रिया दिनुहोस्
