काठमाडौं– बलिउडका नबाब भनेर कहलिएका अभिनेता सैफ अली खानलाई ६ ठाउँमा छुरा हान्ने चोरलाई प्रहरीले पक्राउ गरेको छ।
हिरामन्डी श्रम शिविरबाट पक्राउ गरिएका छुरा प्रहारकर्ता पश्चिम बंगालका निवासी रहेको बीबीसी हिन्दीको समाचारमा उल्लेख छ।
मुम्बई प्रहरीले घटना आरोपी मोहम्मद अलीयान उर्फ बीजेले नै गराएको दाबी गरेको छ। पक्राउ पर्ने डरले अभियुक्तले यसअघि आफूलाई विजय दास भनेर चिनाएका थिए।
आरोपीलाई शनिबार राति ३.३० बजे सोधपुछका लागि बान्द्रा प्रहरी चौकीमा ल्याइएको थियो। उनलाई आइतबार बिहान ११ बजे बान्द्रा हलिडे कोर्टमा पेस गरिने छ।
यसबारे जानकारी दिन मुम्बई प्रहरीले आइतबार बिहान पत्रकार सम्मेलन गर्ने भएको छ।
बिहीबार बिहानै बान्द्रास्थित घरमा सैफअलीमाथि छुरा प्रहार भएको थियो। यसपछि उनलाई लीलावती अस्पतालमा भर्ना गरिएको छ। शल्यक्रियापछि उनको अवस्था खतरामुक्त रहेको जानकारी दिइएको थियो।
प्रहरीका अनुसार अभियुक्तले सेफअलीको घरमा पस्नका लागि आगलागीका लागि प्रयोग हुने भवनका सिँढीहरू प्रयोग गरेका थिए। सुरुमा सैफका कान्छा छोराको कोठामा जान लाग्दा घरमा सहयोगी रहेकी नर्सले रोक्न खोज्दा उनीमाथि छुरा प्रहार भएको थियो।
होहल्ला मच्चिएपछि सैफले उनलाई रोक्न खोज्दा एक करोड माग गरेका थिए। दिन मनाही गरेपछि छुरा प्रहार भएको थियो।
