रेडस्टारमा सन्दीप क्षेत्रीको “जीवनको लागि हाँसो” कार्यक्रम सम्पन्न

मोरङ। मोरङको पथरी शनिश्चरेमा नेपालका चर्चित स्ट्याण्ड–अप कमेडियन सन्दीप क्षेत्रीले प्रेरणादायी प्रस्तुति दिएर सबैलाई प्रभावित पारेका छन् । रेडस्टार मावि र ऋतम्भरा बहुमुखी क्याम्पसको संयुक्त आयोजनामा सम्पन्न “जीवनको लागि हाँसो” कार्यक्रममा क्षेत्रीले विद्यार्थीलाई करियर निर्माणका लागि विशेष उत्प्रेरणा प्रदान गरे ।

क्षेत्रीले आफ्नो प्रस्तुतिमार्फत दृढ संकल्प र नियमित अभ्यासकै कारण सफलता प्राप्त गर्न सकिने सन्देश दिए । कक्षा ११, १२ र बिबिएसका विद्यार्थीहरूसँग संवाद गर्दै उनले हास्यका माध्यमबाट जीवनलाई सकारात्मक बनाउने कला सिकाए ।

कार्यक्रमको पहिलो चरणमा इलाका प्रहरी कार्यालय पथरीका डीएसपी मोहनविक्रम दाहालले लागुपदार्थ दुव्र्यसन र साइबर अपराध नियन्त्रणबारे सचेतनामूलक जानकारी प्रदान गरेका थिए ।

क्षेत्रीलाई रेडस्टार माविका राष्ट्रिय सेवा दलका क्याडेट छात्र–छात्राले विशेष सम्मानसहित स्वागत गरेका थिए । कार्यक्रमले विद्यार्थीहरूमा सकारात्मक ऊर्जा र भविष्य निर्माणका लागि नयाँ उत्साह थपेको सहभागी बिबिएस दोस्रो वर्षमा अध्यानरत विद्यार्थी समीक्षा ढुङ्गेलले बताइन् ।