काठमाडौं - नेपाली बजारमा केहि दिनयता लगातार उकालो चढिरहेको सुनको भाउ आज (बिहीबार) भने ओरालो लागेको छ । हिजो एकै दिन १९ सय रुपैंयाँले बढेको सुनको भाउ आज तोलामा चार सय रुपैयाँले घटेको छ ।
नेपाल सुनचाँदी व्यवसायी महासंघका अनुसार आज सुन प्रतितोला १ लाख ५९ हजार ६ सय रुपैयाँमा कारोबार भइरहेको छ । बुधबार सुन प्रतितोला १ लाख ६० हजार रुपैयाँमा किनबेच भएको थियो । यस्तै, आज बिहीबार चाँदीको मूल्य तोलामा १ हजार ८ सय ७५ रुपैयाँमा कारोबार भइरहेको छ ।
प्रकाशित मिति: बिहीबार, माघ १०, २०८१ ११:२३
प्रतिक्रिया दिनुहोस्
