काठमाडौं– कैलालीको धनगढी उपमहानगरपालिका–१७ कैंची प्रहार गरी शनिबार राती भाईले दाजुको हत्या गरेका छन्। घरयासी विवादका क्रममा यो घटना भएको प्रारम्भिक अनुसन्धानबाट खुलेको छ।
राति साढे १२ बजेतिर ३५ वर्षीय दाइ लालबहादुर बोहरालाई उनका भाइ ३० वर्षीय प्रकाशले कैची प्रहार गरेको जिल्ला प्रहरी कार्यालय कैलालीले जनाएको छ।
उपचारका क्रममा दाजुको राती ३ बजे मृत्यु भएको थियो। मिसन अस्पताल धनगढीमा उपचारका लागि लगिएको थियो।
दाइको मत्यु भएपछि भाइ प्रकाशलाई नियन्त्रणमा लिएर अनुसन्धान सुरु गरिएको प्रहरीले जनाएको छ।
प्रकाशित मिति: आइतबार, माघ १३, २०८१ ११:१२
प्रतिक्रिया दिनुहोस्
