काठमाडौं– प्रतिनिधिसभाका सभामुख देवराज घिमिरे राजनीतिक दलका प्रमुख तथा मुख्य सचेतकहरूसँग छलफलमा जुटेका छन् ।
संघीय संसदको हिउँदे अधिवेशन यही माघ १८ गतेका लागि आह्वान भएपछि सभामुख घिमिरेले अधिवेशनको तयारी सन्दर्भमा दलका सचेतकहरूसँग छलफल थालेका हुन् ।
अहिले सिंहदरबारमा सत्तापक्षका प्रमुख तथा मुख्य सचेतकसँग सभामुख घिमिरेले छलफल गरिरहेका छन् ।
यस्तै, आजै दिउँसो २ बजे प्रमुख प्रतिपक्ष तथा प्रतिपक्ष दलका प्रमुख सचेतकसँग छलफल गर्ने तयारी रहेको छ ।
प्रकाशित मिति: आइतबार, माघ १३, २०८१ ११:५७
प्रतिक्रिया दिनुहोस्
