महाकुम्भमा नुहाएकी पूर्वमिस नेपाल मलिना, दुई प्रेम कसरी टुटेको थियो? (फोटो फिचर)

काठमाडौं– पूर्वमिस नेपाल मलिना जोशी अहिले भारतको प्रयागराजमा भएको महाकुम्भ मेलामा भाग लिन पुगेकी छन्।

दुई प्रेम टुटेपछि धार्मिक अनुष्ठानमा पुगेकी उनले लेखेकी छन्,‘जीवन योजना अनुसार भइरहेको छैन तर निश्चित रूपमा राम्रो छ। १४४ वर्षपछि हुन लागेको महाकुम्भ मेलाको साक्षी देख्दा स्तब्ध, वास्तविक र उत्तिकै डराएको छु।’ 

उनले लेखेकी छन्,‘म क्लस्ट्रोफोबिक छु। यो सबै निषेधहरू जारी गर्ने र मैले आफ्नै लागि सिर्जना गरेको सीमाहरू तोड्ने बारे हो। गंगा, जमुना र सरस्वती नदीको मिलन त्रिवेणी संगममा कसरी लाखौं मानिसहरूको माध्यमबाट पुगेँ त्यो म वर्णन गर्न सक्दिन।’

जोशीले आफूलाई क्लस्ट्रोफोबिक भनेकी छन्। सीमित स्थानहरूको डर (क्लस्ट्रोफोबिया) एक फोबिया हो, जब यसले तपाईंको काम, विद्यालय, वा अन्य दैनिक गतिविधिहरूमा काम गर्ने क्षमतामा हस्तक्षेप गर्दछ। 

सामान्य ट्रिगरहरूमा सुरुङहरू, लिफ्टहरू, रेलहरू र हवाइजहाजहरूमा त्रास सृजना गर्छ।

उनको दुई प्रेम टुटिसकेको छ। फिल्म क्षेत्रमा लागे पनि उत्ति साह्रो सफल हुन सकेकी थिइनन्।  

जोशी र सुशान्त प्रधानको ‘ब्रेकअप’ भएको थियो। लामो समयदेखि प्रेममा रहेका उनीहरु विवाह गर्ने तयारीमा थिए। यो जोडीले थुप्रै अन्र्तवार्ता साथमा दिएका थिए। 

प्रधान जिम ट्रेनर, युबटुब भ्लगर र प्रोडकाष्टर हुन्। यो जोडीले प्रेममा रहँदा एक अर्कासँगको फोटो, भिडिओ सामाजिक सञ्जालमा राखेर प्रेममा रहेको कुरा स्वीकार गरेका थिए।

जोशीले एक अन्र्तवार्ताको क्रममा बताएकी थिइन्,‘कहिलेकाही समय बित्दै जाँदा धेरै कुराहरु थाहा हुन्छ। धेरै कुरा फरक देखिन्छ। कतिपय कुरा मिल्दैन एक अर्कासँग । म उसलाई शुभकामना दिन्छु कि उसको १०० वटा जीम बनोस्, उसको युबटुब भिडियो धेरै पपुलर होस्।’

त्यसअघि जोशीको अभिनेता अनुपविक्रम शाहीसँग प्रेम रहेको चर्चा थियो।

अनुपविक्रम शाही र नायिका मलिना जोशीको प्रेम थियो भन्ने त सबैलाई थाहा छ। 

अनुप र मलिना एकसाथ कार्यक्रममा प्रेमी–प्रेमिका भन्दै नहिडेका पनि होइनन्। तर, ‘ठमेल डट कम’ चल्ने बेलामा अनुप र मलिनाको व्रेकअप भयो भन्ने समाचार फैलिएको थियो। 

हल्ला अनुप आफैले चलाएका थिए। मलिना अमेरिका पुगेर नफर्किएपछि अनुपले यो चर्चा चलाएको वुझिएको थियो।