काठमाडौँ - अमेरिकाको वाशिंगटन, डीसीमा रेगन राष्ट्रिय विमानस्थल नजिकै पोटोम्याक नदीमा विमान दुर्घटना भएको छ ।
मिडिया रिपोर्टका अनुसार अमेरिकन एयरमा ६० यात्रु ४ चालक दलका सदस्य रहेको बताइएको छ । यात्रुबाहक विमान अवतरण गर्नेक्रममा आर्मीको हेलिकप्टरसँग ठोक्किएर दुर्घटनाग्रस्त भएको बताइएको छ । सामाजिक संजालमा पोष्ट गरिएको भिडियोमा अवतरण गर्नेक्रममा रहेको विमानमा हेलिकप्टर आएर ठोक्किएको र आकाशमै ठुलो आगो देख्न सकिन्छ । हेलिकप्टरमा कति जना थिए भन्ने स्पष्ट भएको छैन ।
अहिले पोटोम्याक नदीमा दुर्घटनाग्रस्त विमानको राहत र उद्धार जारी रहेको अमेरिकन मिडियाले उल्लेख गरेका छन् ।
प्रकाशित मिति: बिहीबार, माघ १७, २०८१ ०९:५५
प्रतिक्रिया दिनुहोस्
