काठमाडौं – संघीय संसद्को हिउँदे अधिवेशनको पहिलो बैठक शुक्रबार दिउँसो सुरु भएको छ । पहिलो बैठकमा नै रास्वपाले उठेर विरोध जनाएका छन् ।
२५ मिनेटजति उठेर पनि रास्वपा सांसदहरू नबसेपछि सभामुखले बस्न आदेश दिए । तर उनीहरू मानेनन् । त्यसपछि राष्ट्रपति रामचन्द्र पौडेलले पठाएको पत्र सभामुखले पढेर सुनाउन थालेका छन् ।
उनले प्रतिनिधिसभा नियमावलीको दफा १५ को व्यवस्था १ को पढेर सुनाए । त्यसपछि २० को ‘घ’ पनि पढेर सुनाए । तर पनि रास्वपाका सांसदहरू बसेनन् । उनले कार्य व्यवस्था परामर्श समिति बैठकमा पनि रास्वपा सांसदहरूले यो कुराबारे जानकारी नभएको बताए ।
पहिलो बैठक सुरु भएर सभामुख देवराज घिमिरेले राष्ट्रपतिको कार्यालयले पठाएका पत्र पढेर कार्यसूचीमा प्रवेश गर्ने बित्तिकै रास्वपाका सांसदहरूले उठेर विरोध जनाएका हुन् ।
विरोध जनाउनेमा रास्वपाका सांसद छन् । उनीहरूले सरकारले ल्याएका ६ वटा अध्यादेश फिर्ता र सभापति रवि लामिछानेको निलम्बन फुकुवा गर्नुपर्ने माग गरेका छन् ।
