बर्लिन– सन् २००४ देखि २०१० सम्म अफ्रिकाका राष्ट्रप्रमुख रहेका जर्मनीका पूर्वराष्ट्रपति होस्र्ट कोहलरको शनिबार निधन भएको छ । उनी ८१ वर्षको थिए।
कोहलरको बर्लिनस्थित आफ्नै निवासमा उमेरजन्य समस्याका कारण निधन भएको उनको पारिवारिक स्रोतले पुष्टि गरेको छ ।
प्रशिक्षित अर्थशास्त्री कोहलर पहिलो जर्मन राष्ट्रपति थिए।
‘होस्र्ट कोहलरको निधनसँगै हामीले हाम्रो देश र विश्वका लागि ठूलो प्रेरणाको स्रोत अत्यन्तै सम्मानित र लोकप्रिय व्यक्ति गुमाएका छौँ’ राष्ट्रपति फ्रान्क वाल्टर स्टेनमेयरले कोहलरकी विधवालाई पठाएको शोक सन्देशमा उल्लेख छ ।
जर्मन चान्सलर ओलाफ स्कोल्जले कोहलरलाई आफ्नो जीवनभर निष्पक्ष विश्वका लागि काम गरेका ‘प्रतिबद्ध राजनीतिज्ञ’ को संज्ञा दिएका छन् ।
जर्मन राष्ट्रपति हुनुअघि उनी वासिङ्टनमा अन्तर्राष्ट्रिय मुद्रा कोषको प्रमुख थिए। उनले जर्मनीको निजामती सेवा र बैंकिङ क्षेत्रमा पनि अन्य भूमिका निर्वाह गरेका थिए ।
तत्कालीन विपक्षी नेतृ एन्जेला मर्केल जर्मनीको चान्सलर बनेपछि उनी जर्मनीका राष्ट्रप्रमुख बनेका थिए।
स्टेनमियरले आफू निर्वाचित हुँदा कोहलर पछिल्लो पुस्ताको नागरिकमाझ ‘लगभग अज्ञात’ रहेको तर चाँडै नै ‘धेरै मान्यता र सहानुभूति’ प्राप्त गरेको बताए।
उनी सन् २००९ मा दोस्रो कार्यकालका लागि निर्वाचित भएका थिए तर सन् २०१० को मे महिनामा उनले व्यापार मार्ग सुरक्षित गर्नका लागि आफ्नो सेनालाई समुद्रपार पठाउनु उचित हुने भनी दिएको अन्तर्वार्ताका कारण आफू विवादित बनेपछि राजीनामा दिएका थिए ।
