काठमाण्डौ। पूर्वीय लोकगीतमा ख्याति कमाएका लोक गायक महेश बुढाथोकीको ‘राम साइँली’ बोलको गीतको म्युजिक भिडियो सार्वजनिक भएको छ । पुसको अन्तिम सातातिर छाँयाङ्कन सकिएको गीतको भिडियो म्युजिक नेपालले हिजो सार्वजनिक गरेको हो ।
बुडाथोकीका यसअघिका ‘काफल गेडी कुटुक्कै‘, ‘होस गर है सोल्टिनी‘, ‘हलो अड्काउँदै‘ जस्ता गीतहरू चर्चित छन् । बुढाथोकीले यसपटक दर्शक तथा स्रोतालाई अलिक फरक स्वाद दिन खोजेका छन् । यसपटक उनले मगर जातीमा प्रचलित हुर्रा भाकाको ‘राम साँईली’लाई सार्वजनिक गरेका हुन् ।
राम साइँली गीतको स्वरमा बुढाथोकीलाई बबिना भट्टराईले साथ दिएकी छन् । शब्द, भाका सङ्कलन स्वयं बुढाथोकीले गरेका हुन् भने संगीत एरेन्ज अशोक राईले गरेका छन् ।
भिडियोमा कलाकारहरू बादल श्रेष्ठ, निशा श्रेष्ठ, भीमल मगर, अर्जुन जम्नेली राई, मुरारी आचार्य, मोहन विक्रम दाहाल, मंजु मगर, कुमारी मगर, तारा मगर आदिको अभिनय देख्न पाईने छ ।
म्युजिक भिडियोलाई सुमन तामाङले छायांकन, अशोक मण्डलले श्रृङ्गार, हेमन्त तामाङले सम्पादन, पूजा तामाङले नृत्य कोरियोग्राफी गरेकी छिन् भने भिडियोलाई ईश्वर दुलालले निर्देशन गरेका हुन् । पत्रकारिता पेसामा रहेका दुलालको यो डेब्यु निर्देशन पनि हो ।
भिडियोः
