काठमाडौँ- सेवाग्राहीसँग घुस लिएको आरोपमा पक्राउ परेका जिल्ला अदालत कपिलवस्तुका तहसिलदार सन्तोषकुमार मिश्र र कम्प्युटर अपरेटर विकास पाण्डे विशेष अदालतबाट दोषी ठहर भएका छन् ।
विशेष अदालतले २० हजार रुपैयाँ घुस सहित पक्राउ परेका स्रेस्तेदार मिश्रलाई दुई महिना कैद सजायको फैसला सुनाएको छ । जिल्ला अदालतकै कम्प्युटर अपरेटर पाण्डेयलाई एक महिनाको कैद सजाय भएको छ ।
अध्यक्ष टेकनारायण कुँवर र सदस्य रामबहादुर थापाको इजलासले उनीहरूले घुस मागेको र लिएको ठहर गरेको हो ।
उनीहरूले लिएको २० हजार रुपैयाँ बरामद भएको, घुस मागेको भिडियो र अडियो समेत मुद्दाका साथमा पेश भएको भन्दै विशेष अदालतले उनीहरूलाई १०/१० हजार रुपैयाँका दरले जरिवाना गर्ने आदेश गरेको हो ।
प्रकाशित मिति: मंगलबार, माघ २९, २०८१ १८:५४
प्रतिक्रिया दिनुहोस्
