काठमाडौं- भारतको प्रयागराजमा चलिरहेको कुम्भ मेलाको समापन हुनुअघि संगम क्षेत्रमा गंगा–यमुनाको पानीको शुद्धताबारे दुईवटा रिपोर्ट बाहिर आएका छन्। यसैलाई लिएर नयाँ विवाद सुरु भएको छ ।
भारतको केन्द्रीय प्रदूषण नियन्त्रण बोर्ड (सीपीसीबी)ले फेब्रुअरी ३ मा राष्ट्रिय हरित न्यायाधीकरण (एनजीटी)लाई एउटा रिपोर्ट पेस गरेको थियो । जसमा गंगा–यमुनाको पानीमा निर्धारित मापदण्डभन्दा धेरै गुणा बढी फेकल कोलिफर्म ब्याक्टेरिया रहेको उल्लेख थियो ।
काठमाडौं । भारतको प्रयागराजमा चलिरहेको कुम्भ मेलाको समापन हुनुअघि संगम क्षेत्रमा गंगा–यमुनाको पानीको शुद्धताबारे दुईवटा रिपोर्ट बाहिर आएका छन्। यसैलाई लिएर नयाँ विवाद सुरु भएको छ ।
भारतको केन्द्रीय प्रदूषण नियन्त्रण बोर्ड (सीपीसीबी)ले फेब्रुअरी ३ मा राष्ट्रिय हरित न्यायाधीकरण (एनजीटी)लाई एउटा रिपोर्ट पेस गरेको थियो । जसमा गंगा–यमुनाको पानीमा निर्धारित मापदण्डभन्दा धेरै गुणा बढी फेकल कोलिफर्म ब्याक्टेरिया रहेको उल्लेख थियो ।
यसपछि, फेब्रुअरी १८ मा, उत्तर प्रदेश प्रदूषण नियन्त्रण बोर्ड (यूपीपीसीबी)ले एनजीटीलाई नयाँ रिपोर्ट दियो। यसमा सीपीसीबीको प्रतिवेदन अस्वीकार गरिएको थियो।
एनजीटीले यसमाथि कडा टिप्पणी गरेको छ र यूपीपीसीबीबाट नयाँ रिपोर्ट मागेको छ। यस मुद्दाको अर्को सुनुवाई फेब्रुअरी २८ मा हुनेछ। तर, कुम्भमेला २६ फेब्रुअरीमा समाप्त भइसक्नेछ ।
प्रयागराजमा माघ १३ गतेदेखि महाकुम्भ स्नान भइरहेको छ । उत्तर प्रदेश सरकारले जारी गरेको तथ्यांकअनुसार अहिलेसम्म करिब ५८ करोड मानिसले संगममा स्नान गरेका छन् ।
