काठमाडौँ - आजैदेखि लागू हुने गरी अण्डाको मूल्य बढेको छ । नेपाल लेयर्स कुखुरा पालक सङ्घका अध्यक्ष विनोद पोखरेलका अनुसार किसानसहितको बैठकले अण्डाको मूल्य बढाउने निर्णय गरेको हो ।
मूल्य बढेसँगै अब मध्यम अण्डा प्रतिक्रेट (३० वटा) को रु. तीन सय ९०, ठूलो अण्डा रु. चार सय १० र एक्स–एल अण्डा प्रतिक्रेटको मूल्य रु. चार सय २५ पुगेको छ । यसअघि मध्यम अण्डा प्रतिक्रेट रु. तीन सय ५०, ठूलो अण्डा रु. तीन सय ७० र एक्स–एल अण्डा प्रतिक्रेट रु तीन सय ८५ रहेको थियो । यो फार्म मूल्य हो ।
बजारमा अण्डाको माग बढेको र लागतसमेत बढी रहेकाले मूल्य बढाउनुपरेको अध्यक्ष पोखरेलको भनाइ छ ।
प्रकाशित मिति: मंगलबार, फागुन १३, २०८१ ०८:२१
प्रतिक्रिया दिनुहोस्
