काठमाडौं– त्रिभुवन अन्तर्राष्ट्रिय विमानस्थलमा काठमाडौं उत्रिएका चार जना मध्य तीन महिलाको मलद्वारमा झन्डै चार किलो सुन भेटिएको छ।

विमानस्थलबाट ३ किलो ७४५ ग्राम सुनसहित ३ जना पक्राउ गरिएको छ। 

बुधवार राति फ्लाइ दुबईबाट नेपाल आएका ३ जना उज्बेकिस्तानको नागरिक सुनसहित पक्राउ परेका हुन्। 

४ जनाको टोली आएको मध्य तीन जना महिलाका साथबाट सुन भेटिएको प्रहरीले जनाएको छ।

उनका अनुसार ४ जनामध्ये एक जना पुरूष हुन्। उनको साथबाट भने सुन बरामद नभएता पनि उनीहरू एउटै समूहका हुन्। 

मलद्वारमा डल्लो पारेर सुन लुकाइएको थियो।