काठमाडौं– युद्धग्रस्ता युक्रेनको भाग्यका विषयमा अमेरिकी राष्ट्रपति डोनल्ड ट्रम्प र रुसी राष्ट्रपति भ्लादिमर पुटिनले यसै साता वार्ता गर्ने विवरण सार्वजनिक भएको छ।

दी गार्जियनका अनुसार ट्रम्पका विशेष दूत स्टिभ विटकफले भने,‘संयुक्त राज्य अमेरिकाका राष्ट्रपति डोनल्ड ट्रम्प र उनका रुसी समकक्षी भ्लादिमिर पुटिनले यस हप्ता कुराकानी गर्ने अपेक्षा गरिएको छ, किनकी रूसले युक्रेनसँग अमेरिकाको मध्यस्थतामा गरिएको युद्धविराम प्रस्तावमा अझै सहमति जनाएको छैन।’

‘दुई राष्ट्रपतिहरूले यस हप्ता साँच्चै राम्रो र सकारात्मक छलफल गर्नेछन्,’ विटकफले आइतबार सीएनएनसँगको अन्तर्वार्तामा भनेको उल्लेख छ।

यसअघि मस्कोले अमेरिकी विदेशमन्त्री मार्को रुबियोले आफ्ना रुसी समकक्षी सर्गेई लाभरोभलाई फोन गरेको बताएको थियो। 

गत महिना साउदी अरेबियामा भएको अमेरिका–रूस शिखर सम्मेलनमा दुवैले ‘समझदारी कार्यान्वयनका ठोस पक्षहरू’बारे छलफल गरेका थिए।

फेब्रुअरी २०२२ मा मस्कोले आक्रमण सुरु गरेपछि रियादको बैठक संयुक्त राज्य अमेरिका र रूस बीचको पहिलो उच्चस्तरीय बैठक थियो।

‘सर्गेई लाभरोभ र मार्को रुबियो सम्पर्कमा रहन सहमत भए’, रुसी विदेश मन्त्रालयले भन्यो, ‘अमेरिकाले सुझाव दिएको युद्धविरामको बारेमा कुनै उल्लेख नगरी।’

विदेश विभागका प्रवक्ता ट्यामी ब्रुसले शनिबार भने कि दुवैले युक्रेनमा ‘अर्को कदमहरूबारे छलफल गरेका थिए’। 

उनले रुबियो र लाभरोभले ‘संयुक्त राज्य अमेरिका र रूस बीचको सञ्चार पुनस्र्थापित गर्ने दिशामा काम जारी राख्न सहमत भएको’ पनि बताइन्।