देश स्विट्जरल्याण्ड बनाउँछु भन्थे, अहिले बिदेसिनुपर्ने बाध्यता छ : राप्रपा प्रवक्ता लावती
काठमाडौँ- वर्तमान व्यवस्था विरोधी दल राप्रपाका प्रवक्ता सगुन सुन्दर लावतीले २०६२/०६३ को जनआन्दोलनपछि नेताहरूले नेपाललाई १० वर्षमा स्विट्जरल्याण्ड र सिंगापुरजस्तो बनाउने भनेर झुट बोलेको बताएका छन् ।
विराटनगरमा राप्रपा नेपालद्वारा आयोजित मोटरसाइकल र्यालीपछि आयोजित सभालाई सम्बोधन गर्दै उनले अहिले युवाहरू सामान्य रोजीरोटीका लागि पनि बिदेसिनुपर्ने बाध्यता रहेको बताए ।
वर्तमान व्यवस्थामा जनताले कुनै परिवर्तनको आभास गर्न नपाएको जिकिर गर्दै उनले अब राजसंस्था पुनर्स्थापना जरुरी रहेको बताए ।
‘हाम्रो पार्टीले हिजो निर्णय गर्यो, हामी संयुक्त आन्दोलनको मोर्चामा सहभागी हुन्छौँ । १५ गते राजसंस्था पुनर्स्थापनाका लागि संयुक्त जनआन्दोलन समितिको काठमाडौँ केन्द्रित आन्दोलनमा सहभागी हुन्छौँ’, उनले भने, ‘अब परिवर्तन हुन्छ हुन्छ ।’
प्रकाशित मिति: बुधबार, चैत १३, २०८१ १७:०९
प्रतिक्रिया दिनुहोस्
-1712043491.jpg "विश्व बैङ्कले देखेको नेपालको अर्थतन्त्रको परिदृश्यः विप्रेषणले गरिबी घटायो, आन्तरिक अवसरबाट न्यून लाभ")
