कलाकार मदनकृष्ण भन्छन् : कुलमानलाई हटाएकोमा जनता खुशी छैनन है सरकार ! पटक्कै खुशी छैनन् !

काठमाडौँ - कलाकार मदनकृष्ण श्रेष्ठले कुलमान घिसिङलाई हटाएकोमा जनता खुशी नभएको बताएका छन् । सामाजिक सञ्जालमा लेख्दै कलाकार श्रेष्ठले कुलमानलाई समय नपुग्दै पदबाट हटाएकोमा जनता खुशी नभएको बताएका हुन् ।

उनले भनेका छन्- 'कुलमान घिसिङजीलाई समय नपुग्दै पदबाट हटाएकोमा जनता खुशी छैनन है सरकार  ! पटक्कै खुशी छैनन् ।'

उनले अगाडी भनेका छन्- एउटा समारोहमा माईकमा बोल्दै थिएँ बोल्दा बोल्दै आवाज बन्द भयो । बतीहरू सबै निभे । लोड सेडिङ भएको थिएन टुपिनको तार मात्र छुटेको रहेछ । एक छिन तार मात्र छुटेर बत्ति निभ्दा पनि सबैले कूल मान घिसिङको नाम लिएका थिए ।
 एकै मिनेट बत्ति निभ्दा पनि सबैले सम्झिने नाम 'कुलमान घिसिङ' ...हरेक लक्षमी पूजाको दिनमा घर घरमा झलमल्ल बत्ति बलेको देख्दा सम्झीने बिषेश नाम 'कुलमान घिसिङ',  लोडसेडिङ जस्तो अलोकप्रिय बिषयलाई हटाएर लोकप्रिय  बन्न सफल व्यक्ति हुन कुलमान घिसिङ'  नेपालको अँध्यारो रातहरुलाई उज्यालो रात  बनाउने ऐतिहासिक नाम हो त कुल मान घिसिङ' ।

सरकारले गत सोमबार कुलमानलाई हटाएपछि चौतर्फी विरोध भएको छ । साथै कुलमानले पनि आफुलाई गलत तरिकाले हटाएको भन्दै सर्वोच्च अदालतमा रिट दायर गरेका छन् र रिटको सुनुवाई शुक्रबार हुदै छ ।