म्यानमारमा भूकम्प प्रभावितलाई सहयोग गर्न डब्लुएचओले माग्यो ८० लाख डलर सहयोग

काठमाडौँ - विश्व स्वास्थ्य संगठन (डब्लुएचओ ) ले म्यानमारमा गएको भूकम्पबाट प्रभावित मानिसहरूलाई सहयोग गर्न तत्काल ८० लाख डलरको सहयोग मागेको छ ।

यस भूकम्पमा अहिलेसम्म १७ सयको मृत्यु भएको छ र हजारौं घाइते भएका छन् वा रोगको जोखिममा छन् । संयुक्त राष्ट्रसंघीय निकायले आगामी ३० दिनमा आवश्यक स्वास्थ्य सेवाहरू पुनर्स्थापित गर्न, घाइतेहरूको उपचार गर्न र रोगहरूको फैलावट रोक्न मद्दत आवश्यक रहेको बताएको छ ।

मार्च २८ मा म्यानमारमा गएको भूकम्पका कारण लगभग १,७०० जनाको मृत्यु भएको छ भने ३,४०० जना घाइते भएको बताइएको छ। रेक्टर स्केलमा ७.७ म्याग्निच्युडको यस भूकम्पको केन्द्रबिन्दु म्यानमारको दोस्रो ठूलो शहर मन्डले नजिकै थियो । रिपोर्टका अनुसार दिउँसो १२ बजेतिर भूकम्पको धक्का महसुस भएको केही समयपछि ६.४ म्याग्निच्युडको भूकम्प पनि गएको थियो ।

म्यानमारमा पहिलो भूकम्प शुक्रबार बिहान ११:५० बजे गएको थियो, यसको तीव्रता ७.२ मापन गरिएको थियो । यसपछि, दोस्रो भूकम्प दिउँसो १२:०२ बजे आयो, यसको तीव्रता ७ मा मापन गरिएको थियो । यसपछि, एक-एक घण्टाको अन्तरालमा थप दुई भूकम्पका झट्का महसुस गरियो । भूकम्पको धक्का भारत, चीन र बंगलादेशसम्म महसुस गरिएको थियो ।