मात्रिकाका छोरा कमलको निधनले जुरायो ओली–माधव मिलन
काठमाडौं– नेकपा एकीकृत समाजवादीका नेता रहेका कमल कोइरालाको निधनका कारण प्रधानमन्त्री केपी शर्मा ओली र माधवकुमार नेपालको मिलन जुरायो।
एकीकृत समाजवादीको पार्टी कार्यालयमा कोइरालाको शवमा श्रद्धाञ्जली दिनका लागि ओली त्यहाँ पुगेका थिए। सो क्रममा पार्टी कार्यालयको अवलोकन गरेर नेताहरुसँग कुराकानी गरेका थिए।
अध्यक्ष माधवकुमार नेपालसहित, सम्मानित नेता झलनाथ खनाल, भिम रावलसम्म ओलीसँग संवादमा थिए।
कोइरालाप्रति श्रद्धाञ्जली व्यक्त गर्न र चैत १५ गते तोडफोडमा परेको समाजवादीको कार्यालय अवलोकन गर्न ओली सोमबार आलोकनगर पुगेको उनको सचिवालयले जनाएको छ। एमालेबाटै विभाजन भएर बनेको समाजवादीको कार्यालयमा ओली पहिलो पटक पुगेका हुन्।
२०७८ सालमा नेकपा (एमाले) बाट विभाजन भई नेकपा एकीकृत समाजवादी बनेपछि ओली रुष्ट थिए।
निधन भएका कोइराला नेपालका पूर्वप्रधानमन्त्री मात्रीकाप्रसाद कोइरालाका पुत्र हुन्। कोइराला परिवारका सबै कांग्रेसमा सक्रिय रहँदा उनी भने सुरुका दिनदेखि नै बामपन्थी विचारका थिए।
समाजवादीमा उनको आवद्धता थियो। पक्षघातका कारण उपचारका क्रममा आइतबार कोइरालाको निधन भएको हो। सोमबार नै उनको पार्थिव शरिरको अन्त्येष्ठि गरिनेछ।
सत्ता–प्रतिपक्ष विवादले बागमती प्रदेश सभाको बैठक प्रभावित
बोहराको निधनमा तीन औपचारिक कार्यक्रम नगर्ने राप्रपाको निर्णय
रविन्द्र र धवललाई भेट्न दोस्रो पटक हिरासत पुगे लिङ्देन
हिउँदे अधिवेशन नियन्त्रणमुखी भयो : सांसद गौतम
-1740409621.jpg)
यी हुन् मन्त्रिपरिषद वैठकका २४ निर्णयहरु
हेर्दाहेर्दैमा राखियो कुलमान र हितेन्द्र दुवैको रिट
हिउँदे अधिवेशनको ६१ दिन : ११८ घण्टा २१ मिनेटमा के-के भयो (पूर्णपाठ)
