हिमालय एयरलाइन्सले पोखरामा थाल्यो नियमित अन्तर्राष्ट्रिय उडान, ल्हासाबाट ल्यायो १०७ यात्रु
काठमाडौँ- हिमालय एयरलाइन्सले पोखरामा नियमित अन्तर्राष्ट्रिय उडान सुरु गरेको छ। कम्पनीले सोमबारदेखि ल्हासाबाट पोखरामा नियमित उडान सुरु गरेको हो।
कम्पनीको एयरबस ३१९ सिरिजको जहाजमा १०७ यात्रु ल्याएको छ। कम्पनीले बुधबार पोखराबाट ल्हासामा उडान गर्नेछ। पोखरा-ल्हासाको उडान दूरी डेढ घण्टाको हो।
कम्पनीका अध्यक्ष झोउ एनयोङले ल्हासाबाट पोखरा अन्तर्राष्ट्रिय विमानस्थलमा पहिलो अन्तर्राष्ट्रिय उडान ऐतिहासिक भएको बताए।
‘यो केवल नयाँ मार्ग मात्र नभई नेपाल–चीन सम्बन्धलाई थप सुदृढ बनाउने, पर्यटन प्रवर्धन गर्ने तथा व्यापार र सांस्कृतिक आदान प्रदानका नयाँ अवसर सिर्जना गर्ने महत्वपूर्ण पहल पनि हो। हामी यस उडानको दीर्घकालीन सफलताका लागि निरन्तर सहयोगको अपिल गर्दछौं,’ उनले भने।
कम्पनीका उपाध्यक्ष विजय श्रेष्ठले चीनका विभिन्न १० गन्तव्यमा उडान गरी वार्षिक १० लाख चिनियाँ पर्यटकलाई नेपाल ल्याउने लक्ष्य रहेको बताए।
काठमाडौँमा शिक्षकहरूको आन्दोलन सुरु
स्वतन्त्रताका नाममा हुने हिंसा, लुटपाट र आगजनी सर्वदा निषेधित छ : राष्ट्रपति पौडेल
प्रधामन्त्रीद्वारा थाइल्याण्डका प्रधानमन्त्री शिनावातलाई नेपाल भ्रमणको निमन्त्रणा
नेपाल र थाइल्याण्डबीचको सम्बन्ध नयाँ उचाइमा : प्रधानमन्त्री ओली
सगरमाथा आधार शिविरमा एक श्रमिकको मृत्यु
देशभरिका शिक्षक काठमाडौं आइपुगे, आजको र्यालीमा डेढ लाख सहभागी हुने
राजावादी आन्दोलनमा राज्यलगायतप्रति संविधानविद आचार्यको कटाक्ष, स्ट्याटस उडेपछि अर्को के लेखे?
