सविन महर्जनलाई एउटा गोली लागेको पोस्टमार्टम रिपोर्ट
काठमाडौँ- तीनकुनेमा मृत्यु भएका सविन महर्जनको शव परीक्षण गरिएको छ । त्रिवि शिक्षण अस्पतालमा महर्जनको पोस्टमार्टम गरिएको जिल्ला प्रहरी परिसर काठमाडौँका एसपी अपिल बोहराले बताए ।
पूर्वराजा समर्थकहरूको प्रदर्शनमा प्रहरीको गोली लागेर महर्जनले ज्यान गुमाएका हुन् । कीर्तिपुर नगरपालिका–४ बस्ने महर्जनलाई एक गोली लागेको पुष्टि भएको छ । शिक्षण अस्पताल स्रोतका अनुसार उनको दायाँ हात तर्फबाट गएको गोली पछाडिबाट निस्केको पाइएको छ । तीनकुनेबाट कोटेश्वर चोक पुग्ने उकालोमा उनलाई गोली लागेको प्रहरी अधिकृतहरू बताउँछन् ।
२९ वर्षका महर्जन दुर्गा प्रसाईँ नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ र नवराज सुवेदी नेतृत्वको ‘राजसंस्था पुनर्स्थापनाका लागी संयुक्त जनआन्दोलन समिति’ले आयोजना गरेको प्रदर्शनमा सहभागी थिए ।
चैत १५ मा प्रदर्शनस्थलमा तनाव भएसँगै प्रहरीले गोली चलाएको थियो ।
तीनकुने क्षेत्रमा आगजनी तोडफोड गर्ने थप ७ जना पक्राउ
प्रहरीले भन्यो- दुर्गा प्रसाईँलाई खोजिरहेका छौँ
तीनकुने घटना : रवीन्द्र र धवलसहित ४१ जनालाई ६ दिन हिरासतमा राख्न म्याद थप
रेविका र दिनेशबारे प्रहरीले भन्याे- झुक्किएर गोली लाग्यो
फुच्चेले रसुवा लगेको २५ करोडका मालिक पत्ता लाग्यो, पौडेलले त्यत्रो विदेशी मुद्रा किन छिराए ?
उद्धार तथा स्वास्थ्य सहायता प्रदान गर्न नेपाली सेनाको जहाज म्यानमार प्रस्थान
५ करोड भारु फिरौती माग्ने पक्राउ
