के सुरेश रजकको शरिरमा गोली लागेको छ? पोस्टमार्टमका लागि किन हच्किए डाक्टर?

काठमाडौं– राजावादी आन्दोलनका क्रममा मारिएका पत्रकार सुरेश रजकको शव पोस्टमार्टमको स्थिति नै अलमलमा परेको छ। 

डाक्टर हच्किएका छन्। शुक्रबार राजावादी प्रदर्शनको समाचार संकलनका क्रममा ज्यान गुमाएका रजकको पोष्टमार्टम गर्न शिक्षण फरेन्सिक ल्याबका चिकित्सक नै पछाडि हटे।

मृतकको तर्फबाट उनकी पत्नीले प्रहरीमा किटानी जाहेरी दिएपछि पोष्टमार्टमको प्रक्रिया शुरु हुनै लागेको थियो। रजकमाथि गोली प्रहार भएका केही समाचार र सामाजिक सन्जालका टिप्पणी देखेपछि फोरेन्सिक ल्याबका चिकित्सकले पोष्टमार्टम गर्न मानेनन्।

उनको निर्देशनअनुसार पहिला पूरै शरीरको एक्सरेपछि पोष्टमार्टम हुने भएको छ । यद्यपि मृत शरीरको पूरै एक्सरे गर्ने मेसिन भेटिएको छैन।

त्यसअघि रजकको परिवारलाई प्रधानमन्त्री केपी शर्मा ओलीले भेट दिएका थिए म थाइल्यान्ड भ्रमणबाट फर्किएपछि सम्पूर्ण माग सम्बोधन गर्ने आश्वासनपछि उनीहरू अन्त्येष्टि गर्न तयार भएका थिए।

एक्सरे मेसिन भेरिएलगत्तै पोष्टमार्टम हुने उनले बताए। यो विषय अहिले सामाजिक सञ्जाल र मिडियामा पनि विवादीत बनेका कारण डाक्टर ब्याक सरेका हुन्।