थाइल्यान्ड पुगे प्रधानमन्त्री ओली
काठमाडौँ- प्रधानमन्त्री केपी शर्मा ओली थाइल्यान्डको औपचारिक भ्रमण र बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिमस्टेक) को छैटौँ शिखर सम्मेलनमा भाग लिने क्रममा आज (मंगलबार) थाइल्यान्डको बैंकक पुगेका छन्।
प्रधानमन्त्री ओली मंगलबार साँझ स्थानीय समय अनुसार ६:१५ बजे बैंकक पुगेका हुन्।
उनलाई सुवर्णभूमि अन्तर्राष्ट्रिय विमानस्थल स्थलको विशिष्ट कक्षमा थाइल्यान्डका उपप्रधानमन्त्री एवं यातायातमन्त्री सुरिया जङ्ग्राउनग्रेङकिट दम्पती संस्कृति तथा खेलकुद मन्त्री सोरावोङ थेनबोङ दम्पती र थाइल्यान्डका लागि नेपाली राजदूत धनबहादुर वली, नेपालका लागि थाइल्यान्डका राजदूत सावापोङ सिरिसोर्नसहितले स्वागत गरे।
थाइल्यान्डका प्रधानमन्त्री पे थोङ् थान् शिनावातको मैत्रीपूर्ण निमन्त्रणामा नेपालका प्रधानमन्त्रीबाट पहिलो पटक थाइल्यान्डको औपचारिक भ्रमण भएको हो।
प्रधानमन्त्री ओलीको भ्रमण दलमा प्रथम महिला राधिका शाक्य, परराष्ट्र मन्त्री डा. आरजु राणा देउवा, प्रधानमन्त्रीका मुख्य सल्लाहकार विष्णुप्रसाद रिमाल, आर्थिक-विकास सल्लाहकार डा. युवराज खतिवडा, नेपाल सरकारका मुख्यसचिव एकनारायण अर्याल, परराष्ट्र मन्त्रालयका सचिव अमृतबहादुर राईलगायत सहभागी छन्।
1676855634.png)
उच्च पहाडी तथा हिमाली भूभागमा हिमपातको सम्भावना
काठमाडौंको प्रदूषित हावा आजदेखि कम हुँदै जाने
गौतमबुद्ध अन्तर्राष्ट्रिय विमानस्थल फेरि सुनसान
उपत्यकामा प्रदूषण बढेकाले अनावश्यक यात्रा नगर्न स्वास्थ्य मन्त्रालयको अनुरोध
रवीन्द्र मिश्र र दुर्गा प्रसाईंको अभिव्यक्तिपछि भिडले आगजनी थाल्यो : प्रहरी
आन्दोलनरत शिक्षकहरुलाई धन्यवाद दिँदै बालेनले भने- जरिवाना खोजेको होइनौँ, चेतना खोजेको हो
तीनकुने प्रदर्शनमा ज्यान गुमाएकाको परिवारलाई १० लाख दिने सरकारको निर्णय
