नेभिगेशन
सुरक्षा–अपराध

युट्युवर गंगा लामा पक्राउ, कारण अनौठो छ

काठमाडौं– साइबर अपराधको अभियोगमा युट्युवर गंगा लामालाई प्रहरीले पक्राउ गरेको छ।

साइबर अपराधको कसुरमा प्रहरीले लामालाई मङ्गलवार पक्राउ गरेको हो।

मोरङको मिक्लाजुङ गाउँपालिका–६ बेतनी स्थायी ठेगाना भई पुतलीसडकमा कार्यालय चलाएर बसेकी ३९ वर्षीय गंगा लामा भन्ने गंगा कुमारी तामाङलाई साइबर ब्युरोले पक्राउ गरेको हो।

लामाले कुन साइबर अपराध गरेको हो भन्ने खुलेको छैन। यद्यपि साइबर ब्युरोले उनलाई पक्राउ गरी सुरुमा भोटाहिटीस्थित कार्यालयमा ल्याएको थियो। त्यसपछि हिरासतमा राख्नका लागि पठाइएको छ।

गुड टिभी नामक युट्युब च्यानल चलाएकी लामाले केही समय अगाडि ‘आफ्नै छोरीसँग श्रीमान् रंगेहात भेटेपछि ...’ भन्ने शीर्षकको भिडियो पोस्ट गरेकी थिइन्। सोही भिडियोको विषयमा युट्युबर लामा र आरोप लगाउने महिलाविरुद्ध ब्युरोमा उजुरी परेको थियो।
 

प्रकाशित मिति:
प्रतिक्रिया दिनुहोस्
लोकप्रीय
थप सुरक्षा–अपराध