के योगी आदीत्यनाथ मोदीका उत्तराधिकारी हुन्? यसरी चलिरहेका छन् चर्चा

काठमाडौं– भारतमा प्रधानमन्त्री नरेन्द्र मोदीको उत्तराधिकारीको चर्चा सामाजिक सञ्जालदेखि मिडियासम्म तिव्र गतिमा चल्न सुरु गरेका छन्। 

भारतीय जनता पार्टी (भाजपा)का तर्फबाट आगामी प्रधानमन्त्री अर्थात् मोदीका उत्तराधिकारीका विषयमा ब्यापक चर्चा सुरु भएको हो। 

मार्च ३० मा प्रधानमन्त्री मोदीको सङ्घ मुख्यालयको भ्रमणपछि यी छलफलहरू भएका छन्। 

तीन जनाको नाम चर्चाको केन्द्रमा रहेको छ। सामाजिक सञ्जालमा भइरहेको छलफलमा उत्तर प्रदेशका मुख्यमन्त्री योगी, महाराष्ट्रका मुख्यमन्त्री देवेन्द्र फडणवीस र केन्द्रीय मन्त्री नितिन गडकरीलाई प्रधानमन्त्री पदको दाबेदारको रूपमा हेरिएको छ।

यी तीन जना मध्य योगीको चर्चा बलियो हुनुको प्रमुख कारण उत्तर प्रदेशमा चलाएको प्रशासनयन्त्र। 

तर योगी आफैंले भनेचाहिँ मोदीको उत्तराधिकारीका विषयमा केही बोलेका छैनन्। उनले राजनीतिलाई पूर्णकालिन नभई सेवाका रुपमा लिएको अन्तरवार्ताहरु सार्वजनिक भएका छन्।

स्मरणीय होस् नेपालमा राजावादीको आन्दोलन चलिरहेका बेला भारतीय सरकारको उत्तराधिकारीमा योगीको चर्चाले अर्थ राख्दछ। योगी आदित्यनाथ हिन्दूत्व र नेपालमा राजसंस्थाको पक्षमा वकालत गर्ने नेतामा पर्छन्।