भिसा आवेदन दिएर अमेरिकाको बिरोध गर्नेको बिजोग हुन सक्छ, कारण यस्तो 

काठमाडौं– विभिन्न प्रकारका भिसा आवेदन दिएर अमेरिकाको बिरोध गरेको खण्डमा त्यस्ता व्यक्तिको बिजोग हुने सम्भावना रहेको छ।

न्युयोर्क टाइम्सका अनुसार विद्यार्थी भिसा आवेदक र अन्य आवेदकहरूको सामाजिक सञ्जाल खाता जाँच गर्न निर्देशन दिएको छ। 

अमेरिकी विदेशमन्त्री मार्को रुबियोले अमेरिका र इजरायलको आलोचना गरेका व्यक्तिहरूलाई देशमा प्रवेश गर्न रोक लगाउने उद्देश्यले सम्बन्धित देशका राजदूतहरूलाई ती देशका विद्यार्थी र अन्य प्रकारका भिसा आवेदकहरूको सामाजिक सञ्जाल खाताहरूलाई गहनरूपमा जाँच गर्न आदेश दिएका हुन्।

विदेशमन्त्री रुबियोले मार्च २५ मा विभिन्न राजदूतावासहरूलाई पठाएको पत्रमा यी निर्देशनहरू उल्लेख गरेको न्यूयोर्क टाइम्सले जनाएको छ।

विदेशमन्त्री रुबियोको यो कदम राष्ट्रपति डोनाल्ड ट्रम्पले केही विदेशी नागरिकहरू विशेष गरी अमेरिकी नागरिक, संस्कृति, सरकार, संस्था वा स्थापित सिद्धान्तप्रति आलोचना गर्नेहरूलाई निकाल्ने अभियान सुरु गर्ने सम्बन्धमा जारी गरिएको एक कार्यकारी आदेशमा हस्ताक्षर गरेको लगभग नौ हप्ता पछि आएको हो। 

ट्रम्पले यहुदी विरोधी भनेर चिनाएका कार्यविरुद्ध कारबाही सुरु गर्न पनि कार्यकारी आदेश जारी गरेका थिए।