कुलमान र हितेन्द्रदेवको रिट आज पनि हेर्दाहेर्दैमा
काठमाडौ - नेपाल विद्युत प्राधिकरणका कार्यकारी निर्देशकबाट हटाइएका कुलमान घिसिङ र नवनियुक्त कार्यकारी निर्देशक हितेन्द्रदेव शाक्यको रिट आज पनि हेर्दाहेर्दैमा गएको छ।
बुधबार सुनुवाइ नसकिएपछि हेर्दाहेर्दैमा राखिएको हो।
यसअघि मंगलबार पनि रिट सुनुवाइ नसकिएपछि हेर्दाहेर्दैमा राखिएको थियो।
नेपाल विद्युत् प्राधिकरणको कार्यकारी निर्देशकबाट हटाइएका कुलमान घिसिङ र नवनियुक्त कार्यकारी निर्देशक हितेन्द्रदेव शाक्यले दायर गरेका रिटमाथि सर्वोच्च अदालतमा मंगलबारदेखि सुनुवाइ चलिरहेको छ।
न्यायाधीशद्वय कुमार चूडाल र नित्यानन्द पाण्डेयको इजलासमा सुनुवाइ भइरहेको हो। कुलमानले आफ्नो पदाधिकार छँदाछँदै सरकारले बदनियतपूर्वक हटाएको भन्दै थमौतीका लागि अन्तरिम आदेश माग गरेका छन्।
हितेन्द्रदेवले भने कुलमानको सुरु नियुक्ति नै गलत भएकाले उनको पदाधिकार हुन नसक्ने दाबी गरेका छन्। उनले चार वर्षअघि आफूले दायर गरेको रिटमा निर्णय नदिई हालको कुलमानको निवेदनमा सुनुवाइ गर्न नमिल्ने जिकिर पनि गरेका छन्।
बुधबार हितेन्द्रदेव शाक्यका तर्फबाट पूर्वमहान्यायाधिवक्ता सुशील पन्त, वरिष्ठ अधिवक्ताहरू राधेश्याम अधिकारी, टीकाराम भट्टराई, सतीशकृष्ण खरेललगायतले बहस गरेका थिए।
यस्तै सरकारका तर्फबाट महान्यायाधिवक्ता रमेश बडालले बहस गरेका थिए।
थप सरकारी वकिल र हितेन्द्रदेवका केही कानुन व्यवसायीको बहस बाँकी छ।
राजेन्द्र लिङ्देनले भने- प्रदर्शनकारीसँग एउटा लाठीसमेत थिएन, अन्दाधुन्दा गोली चलाएर राज्यले हिंसा भड्कायो
राजावादीलाई निषेध गरी ‘राजा’को चरणमा, हिन्दू धर्म होइन भनी कट्टरपन्थीसँग भेटको लालसामा ओली
मेयरसँग समन्वय नगरी कसरी चल्न सक्छन् काठमाडौं महानगरका प्रमुख प्रशासकीय अधिकृत?
पाँच माग राख्दै राप्रपाले बुझायो कार्यवाहक प्रधानमन्त्री सिंहलाई ध्यानाकर्षण पत्र (पूर्णपाठ)
काठमाडौं महानगर प्रमुख बाहिर गएको मौका पारी प्रमुख प्रशासकीय अधिकृत गुरागाँई छिरे
मधेसी समुदायका निम्ति संविधान संशोधन गर्नुपर्छ : महेन्द्रकुमार राय
प्रधानमन्त्री ओलीद्वारा थाइल्यान्डका व्यवसायीसंग भेटवार्ता
