उपत्यकामा प्रदूषण बढेकाले अनावश्यक यात्रा नगर्न स्वास्थ्य मन्त्रालयको अनुरोध

काठमाडौ - उपत्यकाका वायु प्रदूषण बढेका कारण अनावश्यक यात्रा र विहानी हिडाई नगर्न स्वास्थ्य तथा जनसंख्या मन्त्रालयले आग्रह गरेका छ ।

मन्त्रालयले विज्ञप्ति जारी गर्दै बाहिर यात्रा गर्नैपरेमा अनिवार्य रूपमा मास्क लगाउन र अत्यधिक प्रदूषित क्षेत्रहरूबाट टाढा रहन अनुरोध गरेको हो । 

विश्वभरिको वायु प्रदूषणको अवस्था मापन गर्ने विश्व एक्युआई ¥याकिङ अनुसार अनुसार, नेपालको वायु केही दिनदेखि नै विश्वकै अत्यधिक अस्वस्थकर सूचीमा अग्रस्थानमा छ ।

सोहि कारण मन्त्रालयले उपत्यकावासीको ध्यानाकषर्ण गराएको हो । ‘विश्व एक्युआई ¥याकिङ अनुसार ०–५० सम्म स्वस्थकर, ५१–१०० सम्म मध्यम जोखिम, १०१–१५० सम्म फोक्सोका विरामी, जेष्ठ नागरिक र बालबालिकाहरूका लागि हानिकारक र सबै समूहका लागि १५१–२०० सम्म अस्वस्थकर, २०१–३०० सम्म धेरै अस्वस्थकर र सो भन्दामाथि खतराजनक मानिन्छ,’ मन्त्रालयले भनेको छ, ‘वायु प्रदूषणले मुटु, रक्तनली, फोक्सो, मस्तिष्क, आँखा, नाक, कान, र घाँटीलगायतका अंगहरूमा गम्भीर असर पार्दछ, दम, क्यान्सर जस्ता नसर्ने तथा दीर्घ रोगहरूको जोखिम समेत बढाउँछ, वायु प्रदूषणले शारीरिक तथा मानसिक रूपमा कमजोर शिशु जन्मिने सम्भावना समेत उच्च रहन्छ ।’ मन्त्रालयका अनुसार नेपालमा वायु प्रदूषणका कारण हरेक वर्ष हुने मृत्युमा विशेषगरी पाँच वर्ष मुनिका बालबालिका, गर्भवती महिला, दीर्घरोगी, र जेष्ठ नागरिकहरू बढी जोखिममा पर्ने गरेका छन् ।

नेपालमा रोग र मृत्युदर वृद्धि गराउने प्रमुख कारणमध्ये वायु प्रदूषण पनि प्रमुख कारकका रहेको छ ।