राजावादीलाई निषेध गरी ‘राजा’को चरणमा, हिन्दू धर्म होइन भनी कट्टरपन्थीसँग भेटको लालसामा ओली

काठमाडौं– ‘राजा वीरेन्द्र शाहको खोपीमा एउटा ख्याउटे बसिरहेको थियो। त्यो ख्याउटे अरु कोही नभएर गृहमन्त्री केपी शर्मा ओली थियो। राजा वीरेन्द्रले निक्कै प्रशंशा पनि गरेका थिए’, सुन्दरप्रताप राना जो वीरेन्द्रका पाश्ववर्ती थिए उनको पुस्तकको भावार्थ एउटा प्रसङ्ग हो।

ओली राजा वीरेन्द्रका प्रिय पात्र थिए। यति मात्र थिएनन् खासगरी उनी राजसंस्थाका नै एउटा प्रिय जस्तै थिए। किनभने उनले ०६४ ताका निर्वाचनमा पराजय भोग्दा गणतन्त्र बिरोधमा तिव्र, चर्को आलोचना गर्दै आएका थिए। 

तर उनी यसबेला भने राजावादीहरूको आन्दोलनलाई निषेध, दमन र दबाबमा राखेर थाइल्यान्डको राजाको चरणमा पुगेका छन्। चरण यसकारण कि यहि मौकामा उनले थाइल्यान्डको औपचारिक भ्रमण गरे र राजासँग शिष्टाचार भेट। 

उक्त मुलुकमा पनि राजाका चरणमा नै शिष्टता देखाउनुपर्ने अनुशासन रहेको छ।

वजिरालोङकोर्न त्यहाँका राजा हुन्। चक्री राजवंशका थाइल्याण्डका दशौं राजा हुन्। उनलाई राम दश भनेर चिनिन्छ। राजा भूमिबोल अदुल्यादेज (रामा नवौं) र रानी सिरिकितका एक मात्र छोरा हुन्।

ओलीले उनलाई नै शिष्टताको भेट गरे जबकि नेपालको सदनमा अघिल्लो दिन आन्दोलन र राजावादी जनमतबारे अशिष्ट आलोचना गरेका थिए। 
ओलीका यी मात्र विवाद होइनन्। 

‘बयलगाडा चढेर अमेरिका पुगिन्न अर्थात् यो मुलुकमा गणतन्त्र स्थापना हुन सक्तैन’ भन्ने अभिव्यक्तिका कारण ओलीको तिव्र आलोचना भएको थियो। यो प्रसङ्ग सदाबहार जस्तो उनको सत्ता सञ्चालनका क्रममा माओवादीका अध्यक्ष पुष्पकमल दाहाल प्रचण्डले पनि बारम्बार प्रयोग गर्ने शव्द हो। 

तर तिनै ओली प्रशासनले राजावादी आन्दोलनमा अन्धाधुन्द गोली पड्काउन लगाए, मञ्चमा सम्बोधन सुरु नहुँदै अश्रुग्यास हान्न लगाएको आरोप राजावादीको छ। त्यसको स्पष्ट र न्यायीक छानबिनको माग राष्ट्रिय प्रजातन्त्र पार्टी (राप्रपा) र राष्ट्रिय स्वतन्त्र पार्टी (रास्वपा)ले माग गरेको छ। तर, ओली यसमा पनि उदासिन देखिनेछन्।

ओलीले थाइल्यान्डको बैंककमा राजालाई मात्र भेटेका छैनन् अब साइडलाइन वार्ताका नाममा हिन्दू कट्टरपन्थी र विश्वमा प्रभावशाली प्रधानमन्त्री नरेन्द्र मोदीसँग पनि वार्ता गर्नेछन्। 

हिन्दू धर्म नै नहुने भनी टिप्पणी गरेका ओलीले भारतीय प्रधानमन्त्री मोदीसँग भेट गर्दा यदि ‘हिन्दूत्व’ के हो भनेर सोधियो भने कस्तो उत्तर देलान्? जबकि तिनै हिन्दू कट्टरपन्थी प्रधानमन्त्रीसँगको भेट र भारत भ्रमणका निम्ति उनका अनेक प्रयत्न जारी थिए।