सोबिता गौतमले भनिन्- जडीबुटी प्रशोधन केन्द्र बस्तीबाट टाढा सार्न योजना बनाऔँ
काठमाडौँ- राष्ट्रिय स्वतन्त्र पार्टी (रास्वपा) सांसद सोबिता गौतमले जडीबुटी उत्पादन तथा प्रशोधन केन्द्र सार्नका लागि सरकारले योजना बनाउनुपर्ने बताएकी छिन् ।
गौतमकै निर्वाचन क्षेत्रमा अवस्थित उक्त केन्द्रमा गत १५ गते राजावादीहरूको प्रदर्शनपछि उग्र बनेको समूहले आगजनी गरेको थियो ।
आगजनीपछि ध्वस्त भएको उक्त केन्द्रको बिहीबार अवलोकनपछि उनले उपयुक्त स्थान हेरेर सरकारले केन्द्र सार्नुपर्ने बताएकी हुन् ।
जडीबुटीमा रहेको उक्त केन्द्र रहेको स्थान सांसद गौतमको निर्वाचन क्षेत्र समेत हो ।
निर्वाचन क्षेत्रका युवाहरूले गौतमलाई केन्द्रको अवलोकन र छिटो सञ्चालनमा ल्याउनका लागि पहल गर्न आग्रह गरेका थिए ।
सोही अनुसार सांसद गौतमले बिहीबार वन मन्त्री ऐनबहादुर शाहीलाई समेत लगेर केन्द्रको अवलोकन गराएकी छिन् ।
अवलोकनको क्रममा सांसद गौतमले आगलागीबाट २८ करोडको क्षति देखिएको भन्दै आगो लगाउनेलाई कानुनी दायरामा आउनुपर्ने र सरकारले ल्याउनुपर्ने बताइन् ।
प्रशोधन केन्द्रकी महाप्रबन्धक संगीता यादवलगायत पदाधिकारीले आगलागीबाट क्षति भएको भग्नावशेषको अवलोकन गराउँदै क्षतिबारे जानकारी गराएका थिए ।
निरीक्षणपछि वन मन्त्री ठकुरीले छिटोभन्दा छिटो सञ्चालनमा लागि गृहकार्य भइरहेको बताए ।
प्रशोधन केन्द्रकी महाप्रबन्धक यादवले नयाँ उत्पादनको तयारी गरिरहेका बेला आगो लाग्दा ठूलो क्षति भएको बताइन् । उनका अनुसार उद्योगको दुइटा भवन र १३ वटा गाडी जलेर क्षति भएको छ ।
प्रशोधन केन्द्रका भग्नावशेष बनेको छ । गाडीहरू जलेका छन् । करोडौँको क्षति भएको छ ।
‘समृद्ध नेपाल, सुखी नेपाली’ बिम्स्टेकका अन्तरवस्तुसँग गहिरोसँग प्रतिध्वनित हुन्छ : प्रधानमन्त्री ओली
विषालु हावाले निस्सासियो काठमाडौं
जर्मनीका लागि नेपाली राजदूत रुपाखेतीलाई जालसाजी मुद्दा
उदाउँदो सूर्यलाई अर्घ्य दिँदै सकियो चैती छठपर्व
काठमाडौँको वायु प्रदूषण विश्वमै दोस्रो स्थानमा, दिल्ली शीर्षमा
लुक्लामा मौसम बिग्रँदा रामेछापमा रोकिए पर्यटक
डढेलोमा परी युवतीको मृत्यु, चार जना घाइते